الزفاف.كوم اول واكبر موقع مصرى يساعد كل عروسين على تحضير الفرح المثالى. كل ماتحتاجيه من نصائح حول الزفاف، موضة افراح 2014، مقدمى خدمات الافراح فى القاهرة والاسكندرية من كوافير، ماكياج، محلات فساتين ومجوهرات. ايضا قاعات الافراح وشركات السياحة لنساعدك على قضاء اجمل شهر عسل.
عروسة ومحتاسة - 19
عاملين ايييييي؟ خلصتوا حاجتكوا ولا لسة محتاسين زيي :)
انا خلاص بجهز آخر حاجات، الاكسسوارات و التاج و كدة. هم برضه بياخدوا وقت و مجهود اكتر من اللي الواحد بيبقى متخيله بصراحة. دة كفاية الطرحة دي شغلانة لوحدها. في ناس كتير بتجيبها مع الفستان لكن انا فستاني مكانش معاه واحدة. ولا حتى كان في المحل واحدة لايقة عليه :(.
اصلا لو جبتيها جاهزة بتبقى أغلى بكتير اوى. انا جبت التل و جبير رفيع علشان احطه على حرفها. كله ماتكلفش 300 جنيه. لكن في الجاهز كان كله اكتر من 1000! فالفرق كبير يعني و حاجة مش مستاهلة.
بالنسبة بقى للتاج انا رحت ممر الكونتيننتال في البلد. فيه حاجات كتير اوى و تشكيلات. انا اصلا واحدة صاحبتي كانت جايبة حاجتها من أمريكا و لقيت زيها بالضبط هناك! و فيه ابيض و أصفر حسب ما انتي عايزة. و أسعاره حلوة اوي و في فصال طبعاً. و كمان العقد و الحلق اللي هتلبسيهم ممكن تجيبيهم من هناك. روحوا يللا و قولولي ايه رايكوا.
