الزفاف.كوم اول واكبر موقع مصرى يساعد كل عروسين على تحضير الفرح المثالى. كل ماتحتاجيه من نصائح حول الزفاف، موضة افراح 2014، مقدمى خدمات الافراح فى القاهرة والاسكندرية من كوافير، ماكياج، محلات فساتين ومجوهرات. ايضا قاعات الافراح وشركات السياحة لنساعدك على قضاء اجمل شهر عسل.
عروسة ومحتاسة -10
هاااااااااى بنات .. قررتوا مين هيعماكوا ميك اب و لا لسة؟ يللا علشان ماتتزنقوش عالاخر. النهاردة هكلمكوا عن تسريحة شعرك علشان دى الخطوة الجاية.
قبل ما تختارى الكوافير لازم يبقى عندك فكرة اصلا انتى عايزة ايه، لان ممكن تختارى حد شاطر جدا و يعمللك حاجة حلوة و كمان لايقة عليكى جدا بس انتى مابتحبيهاش. انا فاكرة فى فرح ابن عمتى كانت عند كوافير جميل جدا و هو اللى عمللى فى خطوبتى و احنا واثقين فيه اوى. أول ما خلصلها و شافت شكلها أعدت تعيييييييييييييييييييييط!!! انتوا متخيلين؟! مع ان كلنا كنا شايفين ان شكلها رائع. بس هو رفعلها شعرها و هى ماكانتش عايزاه كدة فبالنسبة لها كان وحش جدا.
ماحدش محتاج التوتر دة يوم فرحه. لازم تبقى عارفة انتى عايزة ايه و عاملة بروفة كمان، علشان فيه أوقات بتبقى حاجة عاجبانا أوى لكن علينا نلاقيها مش لايقة. أنا مرة قررت أعمل شعرى فى فرح زى منى زكى فى تيمور و شفيقة فى الفرح اللى حضروه دة و أخدت البوكيه. عليها كان رقيق أوى و شيك، عليا كان بشععععععععععععععع. كان شكلى عجوزة جداااااااااااااااااا
و انتوا بتفكروا ركزوا فى الحاجات دى، وشك كبير و لا صغير؟ على حسب دة تقررى هتنزلى قصة ولا لأ. عايزاه مرفوع و كلاسيك و لا متسيب و شبابى. ايه بيليق عليكى و عملتى ايه فى الخطوبة؟ علشان ماتبقاش صور الفرح هى هى صور الخطوبة بس بالأبيض!
ربنا معاكوا و خدوا وقتكوا و جربوا كل حاجة، و لو احتاجتوا أى حاجة ابعتولى. أشوفكوا المرة الجاية و نختار الكوافير بقى.
