تعتبر فترة الخطوبة من اجمل الايام التي نحلم بها وننتظرها ونتمناها كذلك فأن الخطوبة هي وعد بالزواج وفرصة لدراسة شخصية كل طرف واختيار مدى إرتياحه للآخر لذلك ولان خطيب اليوم هو زوج المستقبل وهو الانسان الذي تنجبين منه ابنائك وتحملين اسمه .

اليك بعض النصائح لكي تتعرفي الي خطيبك وتحسنين اختياره :-

1- في فترة الخطوبة يحرص الطرفان علي اظهار اجمل ما بهم من صفات و يحاولون اخفاء عيوبهم وهذا من اكثر الاشياء التي تضر العلاقه لذلك يجب ان تحرصي علي معرفة كل عيوب خطيبك قبل مميزاته وتتعرفي علي طباعه جيدا كي تتمكني من التعامل معه في الزواج.

2- من المهم تحديد اولوياتك في العلاقة بمعني "اعرفي انتي عايزة ايه من الانسان الي هيكون جوزك" واعرفي ايه الحاجات الي حباها تكون موجوده فيه والحاجات الي ممكن تتغاضي عنها والحاجات الي مش ممكن تعديها ومش هتعرفي تتعاملي معاه فيها .

3- اياكي وتمرير بعض الاخطاء التي تصدر منه لان في اخطاء بتكون زي المرض لا يمكن الشفاء منها وعلي سبيل المثال الخيانه - الكذب المتكرر- نقل الكلام خاصة الخاص منه لاي شخص حتي لو كان اهله .

4- احذري كلمة الامهات والاهل والاقارب المشهورة "بعد الجواز هيتغير" محدش بيتغير عشان حد يمكن يحاول يخبي بعض عيوبه بس هيكون لفترة محدده ولكن احيانا بيحاول الخطيب انه يراعي البنت في حاجات بسيطة عشان يظهر قدامها بمظر الفارس النبيل احنا بنتكلم عن الطباع يعني الحاجات الي صعب تتغير ركززززي .

5- اياكي والانسان الذي يفضل المظهر علي الجوهر : يعني لو لقتيه بيعلق علي فستانك وهدومك وشكلك اكثر ما بيركز علي تصرفاتكم مع بعض فده انسان سطحي وعايز يتجوز واحده يتباها بيها زي عربيته او ساعته مش انسانه لعمره وتكون ام اولاده .

6- يجب ان يجيب علي كل اسئلتك لان من حقك معرفة كل شئ عنه وعن حياته وادق ادق ادق اسراره كمان ولازم تاخدوا عهد مفيش اسرار انتم واحد .

7- يجب ان لا يخاف من انشتطتك الاجتماعية الرجل اذا احب بصدق بيحب مراته يكون ليها حياتها الي يعيشها معاها مش انه يفصلها عن كل المجتمع الي بتحبه اصحابها ومعارفها وبعدين اهلها فانت لك حياتك الي لازم يحبها ويحترمها .

8- يجب ان يكون جدير بثقتك يعني لو حسيتي في اي لحظة انك خايفه تحكيله اي حاجه عنك ولو كانت مصيبه حتي انتي عملتيها ابعدي عنه خالص لان لو في حد في الدنيا دي المفروض متخافيش منه فلازم يكون هو .

9- حاولي ان تتأكدي انه انسان مش متسلط يعني الكلام مش اوامر اوامر واعملي ومتعمليش وكلمي ومتكلميش وهاتي ومتجبيش التسلط بيخلي الحياة الزوجية في مأزق كبير لازم يكون في تفاهم بينكم ونقطه تقفوا عندها انتوا الاثنين .

10- مراية الحب عامية فمتخليش حبك او تعلقك به يخليكي متشوفيش عيوبه لازم تتأكدي ان مفيش انسان كامل الشطارة في الخطوبة انك تعرفي العيوب مش المميزات .

وفي نهاية الكلام كل النقاط والنصائح دي مش هيكون ليها اي لازمه لو مكنش في احترام متبادل بينكم انتوا الاثنين والاهم من ده كله الانسان الي تتجوزيه هو الانسان الي تحسي معاه انك افضل تحسي انك بتحققي كل حلم حلمتي بيه معاه تحسي انه بيشجعك انك تخرجي احسن ما فيك تحلمي وهو يحققلك حلمك او حتي يحاول يحققه يكون ليك الاب والاخ والصديق.

انتظروا الجزء الثاني ازاي تختار عروستك

بقلم " هاجر عيسى "